MPSCExams | Free Current Affairs Test -22 May 2021 Try to Solve

दोनही विधाने अचूक असल्यामुळे पर्याय (C) उत्तर आहे.
भारतीय नौदलाची पहिली विनाशिका INS राजपूत 21 मे 2021 रोजी नौदलाच्या सेवेतून निवृत्त झाली. विशाखापट्टणम येथील नौदलाच्या गोदीत एका खास सोहळ्यात या जहाजाला नौदलाकडून निरोप दिला गेला.
रशियात (तत्कालीन सोविएत महासंघ) तयार झालेल्या काशीन श्रेणीच्या विनाशक जहाजांपैकी आघाडीवर असणारे INS राजपूत 04 मे 1980 रोजी भारतीय नौदलाच्या सेवेत दाखल झाले होते. ‘राज करेगा राजपूत (राजपूत राज्य करेल)’ या ब्रीदवाक्यासह INS राजपूत जहाजाने अनेक मोहिमांमध्ये भाग घेतला. त्यामध्ये ‘ऑपरेशन अमन’, ‘ऑपरेशन कॅक्टस’, आणि ‘ऑपरेशन क्रोजनेस्ट’ या मोहिमांचा समावेश आहे. भारतीय लष्कराच्या ‘राजपूत रेजिमेंटशी’ हे जहाज संलग्न होते व अशाप्रकारे संलग्न होणारे ते भारतीय नौदलाचे पहिलेच जहाज होते.

भौगोलिक निर्देशक (GI) म्हणून प्रमाणित असणाऱ्या उत्पादनांच्या निर्यातीस प्रोत्साहन देत, महाराष्ट्रातील पालघर जिल्ह्यातील सुप्रसिद्ध ‘डहाणू-घोलवड सपोटा’ चिकू 20 मे 2021 रोजी इंग्लंड (ब्रिटन) देशाकडे रवाना करण्यात आले.
घोलवड सपोटा चिकूचे GI प्रमाणपत्र महाराष्ट्र राज्य चिकू उत्पादक संघाकडे आहे. पालघर जिल्ह्यात सुमारे 5000 हेक्टर क्षेत्र चिकू लागवडीखाली आहे. चिकू पिकवणाऱ्या 5000 शेतकऱ्यांपैकी 147 शेतकरी अधिकृत जीआय प्रमाणपत्र वापरून पीक घेतात.

भारत सरकारच्या वित्त मंत्रालयाने प्रदर्शनी व अधिवेशन केंद्रे (exhibition and convention centres) या वास्तूंना पायाभूत सुविधा हा दर्जा प्रदान केला आहे. या निर्णयामुळे अशा प्रकल्पांच्या बांधकामासाठी बँकेकडून अर्थसहाय्य सुलभ रीतीने उपलब्ध होणार.
या योजनेचा लाभ घेण्यासाठी 1,00,000 चौरस मीटर एवढ्या क्षेत्रफळापर्यंतच्या भूखंडाची किमान अट ठेवण्यात आली आहे, ज्यात प्रदर्शनीची जागा किंवा सभागृहाची जागा किंवा दोन्ही अश्या ठिकानांचा समावेश नसणार

सूर्याचा अभ्यास करण्यासाठी युरोपियन स्पेस एजन्सी (ESA) आणि अमेरिकेची NASA या संस्थांनी संयुक्तपणे चालविलेल्या अंतराळ मोहिमेच्या अंतर्गत पाठविलेल्या NASA-ESA सोलर ऑर्बिटर अंतराळयानाने सूर्याच्या पृष्ठभागावरील सौर उद्रेकाच्या घटनेची नोंद इतिहासात प्रथमच केली आहे. या घटनेला कोरोनल मास इजेक्शन (CME) असे देखील म्हणतात

न्यायिक अपात्रता किंवा रेक्युसल (recusal) या शब्दाचा अर्थ न्यायिक अनर्हता असा होतो. न्यायिक अनर्हता म्हणजे एखाद्या संभाव्य हिताच्या संघर्षामुळे किंवा निःपक्षपातीपणाच्या कमतरतेमुळे कायदेशीर कर्तव्ये पार पाडण्यासाठी न्यायाधीश, फिर्यादी किंवा न्यायालयीन व्यक्ती यांना अपात्र ठरवून त्यांना त्या प्रकरणाचा निर्णय देण्यापासून रोखणे, होय

एक भलामोठा हिमखंड अंटार्क्टिकापासून तुटला आहे. त्याला ए-76असे नाव देण्यात आले. आता हा जगातील सर्वात मोठा हिमखंड आहे. सुमारे 170 किलोमीटर लांबी आणि 25 किलोमीटर रुंदी असलेला हा हिमखंड आता वेडेल समुद्रावर तरंगत आहे

भारत सरकारचे आरोग्य व कुटुंब कल्याण मंत्रालय प्रधानमंत्री आरोग्य सुरक्षा योजना (PMSSY) याची अंमलबजावणी करीत आहे. योजनेची घोषणा 2003 साली केली गेली होती. प्रादेशिक पातळीवरील तृतीयक दर्जाच्या रुग्णालयातील व्यवस्था सुधारण्यासाठी ही योजना आहे.
प्रधानमंत्री आरोग्य सुरक्षा योजनेच्या अंतर्गत नवीन अखिल भारतीय आयुर्विज्ञान संस्था (AIIMS) स्थापन केल्या जात आहेत. या योजनेच्या अंतर्गत आतापर्यंत 22 नवीन AIIMS संस्थांच्या स्थापनेला मान्यता देण्यात आली असून त्यापैकी सहा भोपाळ, भुवनेश्वर, जोधपूर, पाटणा, रायपूर आणि ऋषिकेश येथे आधीच कार्यरत झाल्या आहेत.

दरवर्षी 18 मे या दिवशी जगभरात आंतरराष्ट्रीय संग्रहालये परिषद (ICOM) या संस्थेच्या पुढाकाराने आंतरराष्ट्रीय संग्रहालय दिवस साजरा करतात. 2021 साली आंतरराष्ट्रीय संग्रहालय दिवस द फ्यूचर ऑफ म्यूजियम्स: रीकव्हर अँड रिइमेजिंग या संकल्पनेखाली पाळला गेला.

म्यूकोरमायकोसिस हा एक प्रकारचा बुरशीजन्य संसर्ग आहे. हे ब्लॅक फंगस म्हणून देखील ओळखले जाते. त्याचा परिणाम नाक, डोळे, मेंदूत दिसून येतो. जेव्हा ब्लॅक फंगस येते तेव्हा लोक त्यांचे दृष्टी गमावतात. गंभीर संक्रमण झाल्यास यामुळे काही रूग्णाच्या जबडा आणि नाकाची हाड वितळते. जर रुग्ण वेळेवर ठीक बरा होत नसेल तर मृत्यू देखील होऊ शकतो.
कोविड-19 आजारामधून बरे झालेल्या रुग्णांमध्ये हा आजार दिसून येत आहे. त्यामुळे बहुतेक रूग्णांची दृष्टी कमी झाली आहे. वाढत्या प्रकरणांच्या पार्श्वभूमीवर, राजस्थान सरकारने म्यूकोरमायकोसिस याला साथरोग म्हणून जाहीर केले आहे. त्याविषयी राजस्थान साथरोग कायदा-2020अन्वये अधिसूचना जाहीर करण्यात आली

दिव्यांग व्यक्तींच्या पुनर्वसनासाठी सहा महिन्यांच्या समुदायाधारित सर्वसमावेशक विकास कार्यक्रम चा (CBID) 19 मे 2021 रोजी केंद्रीय सामाजिक न्याय व सशक्तीकरण मंत्री डॉ. थावरचंद गेहलोत यांनी दूरदृश्य प्रणालीच्या माध्यमातून प्रारंभ केला.
भारतीय पुनर्वसन परिषद आणि मेलबर्न विद्यापीठाने संयुक्तपणे हा CBID अभ्यासक्रम तयार केला आहे. त्याद्वारे, दिव्यांगांच्या पुनर्वसन व विकासासाठी प्रशिक्षित असे मनुष्यबळ निर्माण होण्यास मदत होणार असून, त्यामुळे, दिव्यांगांचे सशक्तीकरण होऊन त्यांना समाजात सामावून घेण्याचा मार्ग प्रशस्त होईल. दिव्यांगांच्या अडचणी समजून घेऊन सोडविण्यासाठी आणि समाजात त्यांना सहभागी करून घेण्यासाठी आशा आणि अंगणवाडी कार्यकर्त्यांबरोबर प्रत्यक्ष समुदायात व तळागाळात जाऊन काम करणाऱ्या पुनर्वसन कार्यकर्त्यांचा संच तयार करणे, हा या कार्यक्रमामागील उद्देश आहे. या कार्यकर्त्यांना ज्ञान व कौशल्ये देऊन दिव्यांगांप्रती कर्तव्ये यशस्वीपणे पार पाडण्यासाठी त्यांच्या क्षमता उंचावण्यासाठी या कार्यक्रमाची आखणी करण्यात आली आहे. या कार्यकर्त्यांना ‘दिव्यांगमित्र’ म्हणून संबोधले जाणार आहे