MPSCExams | Free Current Affairs Test -31 May 2021 Try to Solve

नॅशनल AI पोर्टल (https://indiaai.gov.in) या संकेतस्थळाने 28 मे 2021 रोजी त्याचा पहिला वर्धापन दिन साजरा केला.
नॅशनल AI पोर्टल हा इलेक्ट्रॉनिक्स व माहिती तंत्रज्ञान मंत्रालय, राष्ट्रीय ई-प्रशासन विभाग (NGD) आणि NASSCOMM या संस्थांचा संयुक्त उपक्रम आहे. भारताशी कृत्रिम बुद्धिमत्ता (AI) संबंधित बातम्या, मुद्दे, लेख, कार्यक्रम आणि उपक्रम इ. बाबींचे मध्यवर्ती केंद्र म्हणून AI पोर्टल कार्य करते. 30 मे 2020 रोजी हे संकेतस्थळ कार्यरत करण्यात आले होते.

वाय. सी. मोदी यांच्या निवृत्तीनंतर 31 मे 2021 पासून कुलदीप सिंग (केंद्रीय राखीव पोलिस दलाचे महासंचालक) यांना राष्ट्रीय अन्वेषण संस्था (NIA) याच्या महासंचालक पदाचा अतिरिक्त प्रभार देण्यात आला आहे.

देशात वाचन, लेखन आणि पुस्तक संस्कृती रुजवण्याच्या आणि जागतिक पातळीवर भारताचा आणि भारतीय लिखाणाचा ठसा उमटवण्याच्या उद्देशाने केंद्रीय शिक्षण मंत्रालयाच्या उच्च शिक्षण विभागाच्यावतीने 29 मे 2021 रोजी तरुण आणि उदयोन्मुख लेखकांना (30 वर्षांपेक्षा कमी वयाच्या) प्रशिक्षण देणाऱ्या युवा / YUVA (यंग, अपकमिंग अँड व्हर्सेटाईल ऑथर्स) नामक पंतप्रधानांच्या मार्गदर्शन योजनेचा प्रारंभ करण्यात आला. ही योजना इंडिया@75 (स्वातंत्र्याचा अमृतमहोत्सव) या प्रकल्पाचा एक भाग आहे.
शिक्षण मंत्रालयाच्या अंतर्गत अंमलबजावणी संस्था म्हणून नॅशनल बुक ट्रस्ट मार्गदर्शनाच्या सुस्पस्ष्ट माहितीसह टप्प्याटप्प्याने ही योजना राबविणार आहे. या योजनेच्या अंतर्गत तयार झालेल्या पुस्तकांचे नॅशनल बुक ट्रस्टकडून प्रकाशन होईल आणि त्यांचे इतर भारतीय भाषांमध्येही भाषांतर करण्यात येईल. या मार्गदर्शन योजनेच्या अंतर्गत प्रत्येक लेखकाला मासिक 50,000 रुपये या प्रमाणे सहा महिन्यांसाठी एकत्रित शिष्यवृत्ती देण्यात येईल.

संरक्षण संशोधन व विकास संघटनेने (DRDO) 2000 मॅट्रिक टन आयसोथर्मल फोर्ज प्रेसचा वापर करून अवघड अशा टिटॅनियम मिश्रणापासून उच्च-दाबाचे कॉम्प्रेसर (HPC) याच्या पाचही टप्प्याचे उत्पादन करण्यासाठी निअर आइसोथर्मल फोर्जिंग तंत्रज्ञान विकसित केले आहे. हैदराबाद येथील DRDOच्या डिफेन्स मेटलर्जिकल रिसर्च लॅबोरेटरी (DMRL) या प्रमुख मेटलर्जिकल प्रयोगशाळेत हे तंत्रज्ञान विकसित केले आहे.
एयरोइंजिन तंत्रज्ञानामध्ये स्वयंपूर्ण होण्यासाठी हे एक महत्त्वपूर्ण तंत्रज्ञान आहे. या विकासासह, भारत अशा महत्वपूर्ण विमानाच्या इंजिनसाठी लागणाऱ्या घटकांच्या उत्पादनासाठीची क्षमता असणाऱ्या मर्यादित जागतिक इंजिन विकासकांच्या गटात सामील झाला आहे.

हुंडाबळी प्रकरणासाठी कलम 304(ब) संविधानिक तरतूद भारतीय संविधानात आहे.

74 व्या जागतिक आरोग्य सभेने 30 जानेवारी या दिवसाला जागतिक दुर्लक्षित उष्णकटिबंधीय आजार (NTD) दिवस म्हणून घोषित केले. आफ्रिका, आशिया आणि अमेरिका या खंडांमधील विकसनशील प्रदेशांमध्ये दुर्लक्षित समाजांमध्ये सामान्यपणे आढळणार्या उष्णकटिबंधीय आजारांचे जागतिक ओझे ओळखण्यासाठी आणि त्याबाबत जनजागृती करण्यासाठी हा जागतिक दुर्लक्षित उष्णकटिबंधीय आजार (NTD) दिवस पाळला जाणार. दुर्लक्षित उष्णकटिबंधीय आजार जिवाणू, प्रोटोझोआ, विषाणू आणि परजीवी जंत यांसारख्या विविध रोगजनकांमुळे उद्भवतात.

28 मे 2021 रोजी केंद्रीय मंत्री रमेश पोखरियाल निशंक यांनी माध्यान्ह भोजन योजनेसाठी पात्र सर्व विद्यार्थ्यांसाठीच्या एका विशेष कल्याणकारी योजनेच्या अंतर्गत, या योजनेत अंतर्भूत पदार्थ बनविण्याच्या खर्चापोटी 11 कोटी 80 लक्ष विद्यार्थ्यांना थेट लाभ हस्तांतरणाच्या माध्यमातून आर्थिक मदत देण्याच्या प्रस्तावाला मान्यता दिली आहे. देशभरातील 11 लाख 20 हजार सरकारी तसेच अनुदानित शाळांमध्ये इयत्ता पहिली ते आठवीच्या वर्गात शिकणाऱ्या सुमारे 11 कोटी 80 लाख विद्यार्थ्यांना केंद्र सरकारच्या एकदाच अमलात येणाऱ्या या विशेष कल्याणकारी योजनेचा लाभ मिळणार आहे.
केंद्रीय सरकारने या आधी घोषित केलेल्या प्रधानमंत्री गरीब कल्याण अन्न योजना याच्या अंतर्गत सुमारे 80 कोटी लाभार्थ्यांना प्रत्येक महिन्याला प्रती व्यक्ती 5 किलो धान्याचे मोफत वितरण करण्याच्या योजनेच्या व्यतिरिक्त ही विशेष योजना राबविण्यात येणार आहे.

छत्तीसगडच्या कुरा गुहांमध्ये जीनस अराचनोमीमस सॉसुर यामधील रातकिड्याची एक नवीन उपजात शोधली गेली आहे. त्याला जयंती असे नाव देण्यात आले आहे.

भारत सरकारच्या ऊर्जा मंत्रालयाने 335 किलोमीटर लांबीची 220 केव्ही श्रीनगर-द्रास-कारगिल-खालतसी-लेह प्रेषण प्रणाली पॉवर ग्रिड कॉर्पोरेशन ऑफ इंडिया लिमिटेड (पॉवरग्रिड) (ऊर्जा मंत्रालयाच्या अखत्यारीतली सार्वजनिक क्षेत्रातील महारत्न कंपनी) याकडे हस्तांतरित केली. ही प्रणाली लडाख प्रदेशाला राष्ट्रीय ग्रीडशी जोडते, ज्यामुळे विश्वासार्ह वीजपुरवठा होतो. त्याची बांधणी समुद्रसपाटीपासून सुमारे 3000-4000 मीटर उंचीवर केली गेली आहे.

उत्तर अटलांटिक संधि संघटना (NATO) याने युरोपमध्ये स्टेडफास्ट डिफेंडर 21 वॉर गेम्स नामक लष्करी कवायतीचे आयोजन केले. यात संघटनेच्या 30 सदस्य देशांनी भाग घेतला.