महाभरती सराव प्रश्नसंच 206

14 जुलै 2020 रोजी केंद्रीय रस्ते वाहतूक आणि महामार्ग मंत्री नितीन गडकरी यांच्या हस्ते हरयाणा राज्यात 20,000 कोटी रुपये खर्चाच्या विविध नवीन महामार्ग प्रकल्पांचे उद्घाटन आणि भूमिपूजन करण्यात आले. हे महामार्ग नवीन आर्थिक मार्गिकेचा भाग आहेत. या प्रकल्पांचा हरयाणालगतच्या सर्व राज्यांना फायदा होणार आहे. ज्या महामार्ग प्रकल्पांचे आज उद्घाटन झाले, त्यामध्ये 35.45 किलोमीटरच्या रोहना-हसनगड ते झज्जर विभागातल्या NH-334B या चौपदरी मार्गाचा समावेश आहे. तसेच पंजाब आणि हरयाणा सीमेवरच्या जिंद विभागातल्या NH-71 वरील 70 किलोमीटर लांबीचा चौपदरी रस्ता आणि NH-709 वर 85.36 किलोमीटर लांबीचा जिंद-कर्नाल महामार्गाचा समावेश आहे. तसेच NH-11 महामार्गावरच्या रेवारी-अटेली मंडी या चौपदरी रस्त्याचे बांधकाम केले जाणार आहे.

राष्ट्रीय कृषी व ग्रामीण विकास बँकेनी (NABARD) आपला 39 वा स्थापना दिवस साजरा करताना 13 जुलै 2020 रोजी पहिला ‘डिजिटल चौपाल’ कार्यक्रम आयोजित केला. याप्रसंगी, NABARD बँकेनी आपल्या 2,150 पाणलोट विकास प्रकल्पांच्या लाभार्थ्यांना वित्तपुरवठा करण्यासाठी बँक आणि वित्तीय संस्थांसाठी 5000 कोटी रुपयांची पुनर्वित्त योजना जाहीर केली. तसेच प्राथमिक कृषी पत संस्था (PACS) यांच्या संगणकीकरणासाठी आणखी 5000 कोटी रुपयांचे वाटप केले

व्हिसा कंपनीने ग्राहकांना व्हिसा सिक्युअरसुविधा प्रदान करण्यासाठी फेडरल बँकेसोबत करार केला आहे. ही सुविधा बँकेच्या कार्डधारकांना दिली जाणार आहे. हे एक प्रगत तंत्रज्ञान आहे जे विविध ठिकाणी जलद देयके भरण्यासाठी तयार केलेले आहे

जगप्रसिद्ध बालसाहित्यकार रस्किन बाँड हे ए सॉंग ऑफ इंडिया हे शीर्षक असलेल्या पुस्तकाचे लेखक आहेत

ISROचे प्रमुख डॉ. कैलासावदिवू सिवन ह्यांना इंटरनॅशनल अॅकॅडमी ऑफ अॅस्ट्रोनॉटिक्स (IAA) या संस्थेच्यावतीने 2020 वोन करमन पुरस्कार देण्याचे जाहीर करण्यात आले आहे. पुरस्काराचे वाटप 2021 साली फ्रान्सच्या पॅरिस शहरात केले जाणार आहे. यापूर्वी हा पुरस्कार उडुपी रामचंद्र राव (वर्ष 2005) आणि डॉ. कृष्णस्वामी कस्तुरीरंगन (वर्ष 2007) ह्यांना प्राप्त झाला होता. विज्ञानाच्या कोणत्याही शाखेत जीवनभर केलेल्या उत्कृष्ट कामगिरीसाठी हा पुरस्कार देण्यात येतो आणि त्यासाठी राष्ट्रीयत्व किंवा लिंग मर्यादा निश्चित केलेली नाही..

हॉकीपटू गुरबक्स सिंग आणि माजी प्रथम श्रेणी क्रिकेटपटू पलाश नंदी ह्यांना 2020 साली ‘मोहुन बागान रत्न’ पुरस्कार दिला जाणार आहे. मोहुन बागान क्लब 29 जुलैला स्थापना दिन साजरा करतात, परंतु यावर्षी हा कार्यक्रम रद्द करण्यात आला आहे..

भारतीय तंत्रज्ञान संस्था, (IIT) कानपूरने शुद्ध (Smartphone operated Handy Ultraviolet Disinfection Helper) या नावाने अतिनील प्रकाशावर आधारित असलेले एक निर्जंतुकीकरण उपकरण तयार केले आहे. स्मार्टफोनद्वारे संचालित होणाऱ्या या उपकरणाने खोलीसारखे मोठे क्षेत्र निर्जंतुक केले जाऊ शकते आणि विषाणूचा संसर्ग टाळला जाऊ शकतो.

विक्रम दोराईस्वामी ह्यांची बांग्लादेशात नवे भारतीय राजदूत म्हणून नेमणूक झाली आहे. त्यांनी रिवा गांगुली दास ह्यांची जागा घेतली.

रुद्रेंद्र टंडन ह्यांची अफगाणिस्तान देशात नवीन भारतीय दूत म्हणून नेमणूक झाली आहे. सध्या ते जकार्तामध्ये ASEAN समूहाचे भारतीय दूत म्हणून कार्यरत आहेत. ते विनय कुमार ह्यांची जागा घेणार आहेत.

हेमांग अमीन ह्यांची भारतीय क्रिकेट नियंत्रण मंडळाच्या (BCCI) मुख्य कार्यकारी अधिकारी (CEO) पदावर नियुक्ती करण्यात आली आहे. त्यांनी राहुल जोहरी यांच्याकडून पदभार स्वीकारला आहे.