चालू घडामोडी : 25 डिसेंबर 2019
- पदसंख्या:
- शेवटची तारीख:
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 25 December 2019
चालू घडामोडी – राष्ट्रीय लोकसंख्या सूची अद्ययावत करण्याचा संकल्प
- केंद्रीय मंत्रिमंडळाने राष्ट्रीय लोकसंख्या सूची (एनपीआर)अद्ययावत करण्याचा निर्णय मंगळवारी घेतला. त्यासाठी ३,९४१.३५ कोटींच्या तरतुदीस मंत्रिमंडळाने मंजुरी दिली.
- देशात सहा महिने वास्तव्यास असलेल्या, तसेच सहा महिने वास्तव्य करू इच्छिणाऱ्या प्रत्येकाची नोंद ‘एनपीआर’मध्ये ठेवण्यात येणार आहे.
- राष्ट्रीय लोकसंख्या सूची ही जनगणनेचा भाग असून, ती १ एप्रिल ते ३० सप्टेंबर २०२० या काळात केली जाणार आहे.
- त्यासाठी अॅपचा वापर केला जाणार असून, त्यावर प्रत्येकाने आपली माहिती भरायची आहे. या माहितीसाठी कोणतीही कागदपत्रे देण्याची गरज नाही.
- बायोमेट्रिकचाही वापर केला जाणार नाही. केंद्र सरकारने एकूण १३ हजार कोटींची तरतूद केली असून, त्यांपैकी जनगणनेसाठी ८,७५० कोटी तर, ‘एनपीआर’साठी ३,९४१ कोटींची तरतूद करण्यात आली आहे.
चालू घडामोडी – दहशतवादाशी सामना करण्यासाठी उजबेकिस्तानबरोबर सहकार्य करार
- आंतरराष्ट्रीय संघटित गुन्हे आणि आंतरराष्ट्रीय दहशतवाद यांच्याशी सामना करण्यासाठी भारत आणि उजबेकिस्तान यांच्या दरम्यान झालेल्या सहकार्य कराराला मंत्रिमंडळाच्या बैठकीत कार्योत्तर मान्यता देण्यात आली.
- या कराराचा उद्देश दहशतवाद आणि दहशतवादाला दिली जाणारी आर्थिक मदत तसेच संघटित गुन्हे आणि त्यासंबंधीच होणारे अपराध थांबवता यावेत असा आहे.
- याशिवाय देशांतर्गत असलेले कायदे हे आंतरराष्ट्रीय पातळीवर वापरताना दोन्ही देशांच्या गुप्तचर संस्था आणि त्यांच्या नियमांचे पालन करताना अधिकारी वर्गांमध्ये सहकार्यवृद्धी होणे गरजेचे आहे.
- हे लक्षात घेवून सामंजस्य करार करण्यात आला आहे.
चालू घडामोडी – चीफ ऑफ डिफेन्स स्टाफ पदाला मंत्रिमंडळाची मंजुरी
- तीनही संरक्षण दलांमध्ये समन्वय साधण्यासाठी संरक्षण प्रमुख (चीफ ऑफ डिफेन्स स्टाफ) हे नवे पद निर्माण करण्याच्या प्रस्तावास केंद्रीय मंत्रिमंडळाने मंजुरी दिली.
- संरक्षणविषयक मंत्रीगटाने हा प्रस्ताव सादर केला होता. संरक्षण प्रमुख हे सरकारचे प्रमुख संरक्षण सल्लागारही असतील.
- १९९९ मध्ये कारगिल युद्धानंतर संरक्षण दलांच्या फेरआढावा समितीने संरक्षण प्रमुख या पदाची निर्मिती करण्याची शिफारस केली होती.
- संरक्षण प्रमुख ही चार तारे असलेल्या जनरलच्या बरोबरीची श्रेणी असेल.
- लष्कर, नौदल आणि हवाई दल या तीनही दलांमध्ये समन्वय साधणे, संरक्षण मंत्रालयाला गरजेनुसार सल्ला देणे, संरक्षणविषयक वित्तीय मुद्दय़ावर सल्ला देणे ही कामे त्यांना करावी लागतील.
- तीन दलांच्या संयुक्त कारवाईचा निर्णय घेण्याचा अधिकारही त्यांना असेल.
चालू घडामोडी – पहिलं डिटेन्शन सेंटर बंगळुरुजवळ
- देशात कुठेही डिटेन्शन सेंटर नाहीत असं वक्तव्य काही दिवसांपूर्वीच पंतप्रधान नरेंद्र मोदी यांनी केलं होतं.
- मात्र कर्नाटकातील बंगळुरुपासून साधारण ४० किमी अंतरावर पहिलं डिटेन्शन सेंटर उभारण्यात आलं आहे.
- बंगळुरुपासून ४० किमी अंतरावर असलेल्या नेलमंगलाजवळ हे सेंटर उभारण्यात आलं आहे. बेकायदेशीर घुसखोरांसाठी हे सेंटर उभारण्यात आलं आहे.
- केंद्रीय गृहमंत्रालयाकडून या वर्षाच्या सुरुवातीला म्हणजेच जानेवारी २०१९ मध्येच हे डिटेन्शन सेंटर उभारण्यात येणार होतं.
- मात्र या कामाला काही प्रमाणात विलंब झाला. सध्या हे सेंटर बांधून पूर्ण झालं आहे. मात्र अद्याप एकाही घुसखोराला या ठिकाणी आणण्यात आलेलं नाही.
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
ताज्या चालू घडामोडी जाणून घेण्यासाठी आमचे टेलीग्राम चॅनल जॉईन करा Join Us on Telegram
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
