चालू घडामोडी : 27 मार्च २०२१
- पदसंख्या:
- शेवटची तारीख:
Current Affairs
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 27 March 2021 | चालू घडामोडी : २७ मार्च २०२१
चालू घडामोडी –
1] कोणत्या व्यक्तीची अमेरिकेचे ‘सर्जन जनरल’ म्हणून नेमणूक करण्यात आली आहे?
1) विवेक मूर्ती
2) जेरोम अॅडम्स
3) अलेक्स अझर
4) संजय गुप्ता
उत्तर :- भारतीय-अमेरिकावासी चिकित्सक असलेले विवेक मूर्ती हे अमेरिकेचे नवे ‘सर्जन जनरल’ असतील. अमेरिकन राष्ट्राध्यक्ष बिडेन यांच्या कारभाराखाली ते कार्य करतील.
चालू घडामोडी –
2] ‘GROHE हुरुन रीअल इस्टेट रिच लिस्ट 2020’ या यादीत स्थावर मालमत्ता क्षेत्रातील सर्वात श्रीमंत भारतीय उद्योगपतीचे नाव काय आहे?
1) मुकेश अंबानी
2) मंगल प्रभात लोढा
3) गौतम अदानी
4) दिलीप शांघवी
उत्तर :- मंगल प्रभात लोढा हे ‘GROHE हुरुन रीअल इस्टेट रिच लिस्ट 2020’ या यादीत स्थावर मालमत्ता क्षेत्रातील सर्वात श्रीमंत भारतीय उद्योगपती ठरले आहेत. 31 डिसेंबर 2020 रोजी लोढा कुटुंबियांची एकूण संपत्ती 44,270 कोटी रुपये होती.
चालू घडामोडी –
3] _____ मंत्रालय ‘महात्मा गांधी राष्ट्रीय विद्यावेतन’ योजनेची अंमलबजावणी करीत आहे.
1) कामगार व रोजगार मंत्रालय
2) ग्रामीण विकास मंत्रालय
3) कौशल्य विकास व उद्योजकता मंत्रालय
4) सामाजिक न्याय व सशक्तीकरण मंत्रालय
उत्तर :- ‘महात्मा गांधी राष्ट्रीय विद्यावेतन’ योजनेच्या अंतर्गत विद्यावेतन मिळविण्यासाठी भारत सरकारच्या कौशल्य विकास व उद्योजकता मंत्रालयाने 27 मार्च 2021 पर्यंत अर्ज मागवले आहेत. हे विद्यावेतन दोन वर्षांचा संमिश्र कार्यक्रम असून यात देशातील भारतीय व्यवस्थापन संस्थांमधील (IIM) वर्ग-सत्र आणि जिल्हा पातळीवरच्या अर्थव्यवस्थेमध्ये कौशल्य नियोजन आणि विकासास प्रोत्साहन देण्यासाठी काम करण्याची अनोखी संधी या विद्यार्थ्यांना उपलब्ध असते.
यासंदर्भातील पथदर्शी प्रकल्पाच्या यशानंतर, कौशल्य विकास व उद्योजकता मंत्रालयाने भारतीय व्यवस्थापन संस्था (IIM) अहमदाबाद, IIM बंगळुरु, IIM-जम्मू, IIM कोझिकोड, IIM लखनऊ, IIM नागपूर, IIM रांची, IIM उदयपूर आणि IIM विशाखापट्टणम यांच्या सहकार्याने ‘महात्मा गांधी राष्ट्रीय विद्यावेतन 2021-23’ याची घोषणा केली.
चालू घडामोडी –
4] कोणत्या देशात एप्रिल 2021 पासून पाण्याचे रेशन करण्यात येणार आहे?
1) इजिप्त
2) भारत
3) नायजेरिया
4) तैवान
उत्तर :- तैवान हा उप-उष्णकटिबंधीय देश आहे आणि देश सर्वात वाईट दुष्काळातून जात आहे. या पार्श्वभूमीवर, तैवानच्या सरकारने एप्रिल 2021 पासून पाण्याचे रेशन (शिधावाटप योजनेतून) करण्यात येणार असल्याची घोषणा केली आहे. देशाच्या मध्यभागी राहणाऱ्या 1 लाखाहून अधिक घरांसाठी पाणीवाटप केले जाईल.
चालू घडामोडी –
5] कोणत्या पर्वतराजीच्या पायथ्याशी आशियातील सर्वात मोठे ट्यूलिप उद्यान आहे?
1) झबरवान
2) शिवालिक
3) पूर्वांचल
4) झांस्कर
उत्तर :- जम्मू व काश्मीरमधील दल सरोवराच्या किनाऱ्यावर आशियातील सर्वात मोठे ट्यूलिप उद्यान आहे. 15 हेक्टरवर पसरलेल्या इंदिरा गांधी मेमोरियल ट्यूलिप उद्यानात 53 प्रकारची जवळपास 10 लाखांहून अधिक ट्यूलिप फुलांच्या जाती आहेत. पूर्वी सिराज बाग म्हणून प्रसिद्ध असलेल्या भागात तत्कालीन मुख्यमंत्री गुलाम नबी आझाद यांनी 2008 साली ट्यूलिप उद्यानाची स्थापना केली होती. हे उद्यान काश्मीर खोऱ्याच्या मध्य भागात असलेल्या झबरवान पर्वतराजीच्या पायथ्याशी आहे.
चालू घडामोडी –
6] कोणत्या मंत्रालयाने ‘इंडिया टीबी रिपोर्ट 2021’ हा अहवाल प्रकाशित केला?
1) आयुष मंत्रालय
2) आरोग्य व कुटुंब कल्याण मंत्रालय
3) सामाजिक न्याय व सशक्तीकरण मंत्रालय
4) महिला व बाल विकास मंत्रालय
उत्तर :- आरोग्य व कुटुंब कल्याण मंत्रालयाने ‘इंडिया टीबी रिपोर्ट 2021’ हा अहवाल प्रकाशित केला आहे. 2020 या वर्षात भारतामध्ये क्षयरुग्णांच्या संख्येमध्ये वर्षाकाठी 24 टक्क्यांची घट झाली आहे. 2019 साली जवळपास 24.04 लक्ष प्रकरणे नोंदवली गेली, त्यापैकी उपचार यशाचा दर 82 टक्के आणि मृत्यु दर 4 टक्के होता.
चालू घडामोडी –
7] केंद्रीय माध्यमिक शिक्षण मंडळाने (CBSE) ________ वर्गांसाठीच्या क्षमता आधारित मूल्यांकन आराखडा या प्रकल्पाचा प्रारंभ केला आहे.
1) इंग्रजी
2) विज्ञान
3) गणित
4) वरील सर्व
उत्तर :- 25 मार्च 2021 रोजी केंद्रीय शिक्षण मंत्रालयाने नवी दिल्ली येथे विज्ञान, गणित आणि इंग्रजी वर्गांसाठीच्या केंद्रीय माध्यमिक शिक्षण मंडळाच्या (CBSE) क्षमता आधारित मूल्यांकन आराखडा या प्रकल्पाचे उद्घाटन केले. हा कार्यक्रम इयत्ता 6-10 वी यासाठी चालविला जाणार आहे.
चालू घडामोडी –
8] कोणत्या देशात जहाजांसाठी जगातील पहिला बोगदा तयार केला जाणार आहे?
1) नॉर्वे
2) भारत
3) रशिया
4) फिनलँड
उत्तर :- नॉर्वेच्या सरकारने जहाजांच्या निर्बाध वाहतुकीसाठी जगातील पहिला बोगदा देशात तयार करण्यास परवानगी दिली आहे. बोगद्याला “स्टॅड शिप टनल” असे नाव देण्यात येणार आहे. हा बोगदा वायव्य नॉर्वेकडील स्टॅडव्हेट द्वीपकल्पात तयार केला जाईल. बोगदा 1.7 किलोमीटर लांबीचा असेल. बोगदा 49 मीटर उंच आणि 36 मीटर रुंद असेल. हा बोगदा उत्तर समुद्र आणि नॉर्वेजियन समुद्र यांना जोडणार.
चालू घडामोडी –
9] कोणत्या देशामध्ये ‘पब्बी-अॅंटी-टेरर 2021’ नामक दहशतवादविरोधी कवायत आयोजित केले जाणार आहे?
1) चीन
2) भारत
3) पाकिस्तान
4) अफगाणिस्तान
उत्तर :- पाकिस्तान देशामध्ये ‘पब्बी-अॅंटी-टेरर 2021’ नामक दहशतवादविरोधी कवायत आयोजित केले जाणार आहे. हा बहुराष्ट्रीय कार्यक्रम आहे. ही कवायत खैबर पख्तूनख्वा प्रांतात नौशेरा जिल्ह्यातील पब्बी येथे होणार आहे.
चालू घडामोडी –
10] ‘GIPS आंतरराष्ट्रीय बौद्धिक संपदा (IP) निर्देशांक’ याच्या यादीत भारत कोणत्या क्रमांकावर आहे?
1) 19
2) 40
3) 52
4) 8
उत्तर :- यूएस चेंबर ऑफ कॉमर्स ग्लोबल इनोव्हेशन पॉलिसी सेंटर (GIPS) या संस्थेकडून प्रसिद्ध करण्यात आलेल्या ‘आंतरराष्ट्रीय बौद्धिक संपदा (IP) निर्देशांक’ यामध्ये भारत 40 व्या क्रमांकावर आहे.
मोफत टेस्ट सोडविण्यासाठी आमचे मोबाईल अँप लगेच डाउनलोड करा
डाउनलोड लिंक : Download Mobile App
आणखी पेपर सोडवा!!!
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
आमचे टेलीग्राम चॅनल जॉईन करा Click Here : MPSC मराठी व्याकरण
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
