चालू घडामोडी : २७ एप्रिल २०२१
- पदसंख्या:
- शेवटची तारीख:
Current Affairs
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 27 April 2021 | चालू घडामोडी : २७ एप्रिल २०२१
चालू घडामोडी –
1] कोणत्या दिवशी ‘आंतरराष्ट्रीय चेरनोबिल आपत्ती स्मृती दिन’ साजरा करतात?
1) 24 एप्रिल
2) 25 एप्रिल
3) 26 एप्रिल
4) 27 एप्रिल
उत्तर :- दरवर्षी 26 एप्रिल या दिवशी ‘आंतरराष्ट्रीय चेरनोबिल आपत्ती स्मृती दिन’ साजरा करतात. युक्रेन देशातील चेरनोबिल अणुऊर्जा प्रकल्पात 26 एप्रिल 1986 रोजी एका अणुभट्टीचा स्फोट झाला. त्यामुळे उद्भवलेल्या घातकी किरणोत्सर्गी परिणामांचे स्मरण व्हावे यासाठी संयुक्त राष्ट्रसंघाकडून हा दिवस पाळला जातो.
चालू घडामोडी –
2] कोणत्या संस्थेने ‘लडाख इगनाइट माइंड्स: ए सेंटर ऑफ एक्सलेन्स अँड वेलनेस’ प्रकल्पाची घोषणा केली?
1) भारतीय भूदल
2) भारतीय हवाई दल
3) केंद्रीय राखीव पोलीस दल
4) केंद्रीय औद्योगिक सुरक्षा दल
उत्तर :- भारतीय भूदलाने लडाख केंद्रशासित प्रदेशातील तरुणांना स्पर्धात्मक प्रवेश परीक्षांच्या संदर्भात मार्गदर्शन करण्याच्या उद्देशाने ‘लडाख इगनाइट माइंड्स: ए सेंटर ऑफ एक्सलेन्स अँड वेलनेस’ प्रकल्पासाठी हिंदुस्तान पेट्रोलियम कॉर्पोरेशन लिमिटेड आणि नॅशनल इंटिग्रिटी अँड एज्युकेशनल डेव्हलपमेंट ऑर्गनायझेशन (NIEDO) या संस्थांसोबत सामंजस्य करार केला.
चालू घडामोडी –
3] कोणत्या देशाने ‘नेट झिरो प्रोड्यूसर्स फोरम’ याची स्थापना केली?
1) अमेरिका
2) नॉर्वे
3) कॅनडा
4) वरील सर्व
उत्तर :- हरित ऊर्जा निर्मितीला चालना देण्याच्या उद्देशाने कतार, सौदी अरब, कॅनडा, अमेरिका आणि नॉर्वे या देशांनी ‘नेट झिरो प्रोड्यूसर्स फोरम’ याची स्थापना केली.
चालू घडामोडी –
4] 2021 साली ‘जागतिक बौद्धिक संपदा दिन’ची संकल्पना काय आहे?
1) इनोव्हेट फॉर ए ग्रीन फ्यूचर
2) रिच फॉर गोल्ड: आयपी अँड स्पोर्ट्स
3) इनोव्हेशन – इम्प्रूव्हीन्ग लाईव्हज
4) आयपी अँड एसएमई: टेकिंग युवर आयडियाज टू मार्केट
उत्तर :- जगभरात दरवर्षी 26 एप्रिल या दिवशी ‘जागतिक बौद्धिक संपदा दिन’ पाळला जातो. नवकल्पना आणि रचनात्मकता यांना प्रोत्साहन देण्यामध्ये बौद्धिक संपदा (IP) अधिकारांची भूमिका जाणून घेण्यासाठी हा दिन साजरा केला जातो.
2021 या वर्षाची संकल्पना – “आयपी अँड एसएमई: टेकिंग युवर आयडियाज टू मार्केट”.
चालू घडामोडी –
5] कोण अकॅडमी पुरस्कारामध्ये सर्वोत्कृष्ट दिग्दर्शकाचा पुरस्कार जिंकणारी प्रथम आशियाई महिला ठरली?
1) क्लोई झाओ
2) युह-जंग युन
3) कॅथी यान
4) हुआंग शुकिन
उत्तर :- 93 वा अकॅडमी पुरस्कार म्हणजेच ‘ऑस्कर पुरस्कार 2021’ सोहळा अमेरिकेतल्या लॉस एँजेलिस येथे पार पडला. सर्वोत्कृष्ट चित्रपटाचा पुरस्कार जिंकणाऱ्या “नोमडलँड” चित्रपटाच्या दिग्दर्शनासाठी क्लोई झाओ यांना सर्वोत्कृष्ट दिग्दर्शकाचा पुरस्कार दिला गेला. क्लोई झाओ या ऑस्करच्या इतिहासात दिग्दर्शनासाठी पुरस्कार मिळालेल्या त्या द्वितीय तर प्रथम आशियाई महिला दिग्दर्शक ठरल्या आहेत.
चालू घडामोडी –
6] पृथ्वीच्या सर्वात जवळ असलेल्या कृष्णविवराचे नाव काय आहे?
1) मेसियर 61
2) सेजीटेरियस ए
3) युनिकॉर्न
4) मेसियर 32
उत्तर :- खगोलशास्त्रज्ञांना आतापर्यंतचा सर्वात छोटा कृष्णविवर आढळून आला आहे, ज्याचे नाव ‘युनिकॉर्न’ असे ठेवण्यात आले आहे. ते पृथ्वीपासून 1,500 प्रकाशवर्षे दूर आहे. ते पृथ्वीच्या सर्वात जवळ आहे. त्याचे वस्तुमान पृथ्वीच्या सूर्यापेक्षा 3 पट जास्त आहे.
चालू घडामोडी –
7] राष्ट्रीय अल्पसंख्याक आयोग _____ मंत्रालयाच्या कार्यक्षेत्रात येते.
1) सामाजिक न्याय व सशक्तीकरण मंत्रालय
2) अल्पसंख्याक कार्य मंत्रालय
3) आदिवासी कार्य मंत्रालय
4) कामगार व रोजगार मंत्रालय
उत्तर :- राष्ट्रीय अल्पसंख्याक आयोग अल्पसंख्यांक कार्य मंत्रालयाच्या अंतर्गत कार्य करते, ज्याची स्थापना 1992 साली झाली. अल्पसंख्याक समुदायात मुस्लिम, बौद्ध, ख्रिश्चन, शीख, पारशी आणि जैन या धर्मांचा समावेश होतो.
चालू घडामोडी –
8] _____ देशात दरवर्षी ANZAC दिन साजरा करतात.
1) ऑस्ट्रेलिया
2) न्युझीलँड
3) अर्जेंटीना
4) A आणि B
उत्तर :- युद्ध, संघर्ष आणि शांती प्रस्थापनेत मृत्युमुखी पडलेल्यांच्या स्मरणार्थ ऑस्ट्रेलिया आणि न्युझीलँड या देशांमध्ये दरवर्षी 25 एप्रिल या दिवशी ‘ANZAC (ऑस्ट्रेलिया अँड न्यूझीलंड आर्मी कॉर्प) दिन’ साजरा करतात.
चालू घडामोडी –
9] कोणत्या देशात मौई डॉल्फिन आढळतात?
1) न्युझीलँड
2) भारत
3) सिंगापूर
4) जमैका
उत्तर :- मौई डॉल्फिन केवळ न्युझीलँडच्या पश्चिम किनाऱ्यावर आढळतात आणि जगात इतरत्र कुठेही आढळत नाहीत. ती जगभरातील डॉल्फिनच्या सर्वात लहान पोटजातींपैकी एक आहे. तिथे आता फक्त 63 मौई डॉल्फिन शिल्लक आहेत.
चालू घडामोडी –
10] फौजदारी कारवाई संहितेमधील कलम 144याच्या संदर्भात खालील विधाने विचारात घ्या:
1. ते एखाद्या निर्दिष्ट क्षेत्रात चार किंवा त्यापेक्षा जास्त व्यक्तींना एकत्र जमण्यास बंदी घालण्यासाठी वापरले जाते.
2. हा आदेश एखाद्या विशिष्ट व्यक्तीसाठी किंवा सार्वजनिकरित्या लागू केला जाऊ शकतो.
दिलेल्यापैकी कोणते विधान अचूक आहे?
1) फक्त 1
2) फक्त 2
3) A आणि B
4) यापैकी एकही नाही
उत्तर :- दोनही विधाने अचूक असल्यामुळे पर्याय (C) उत्तर आहे.
हा कायदा भारतातील कोणत्याही राज्य किंवा केंद्रशासित प्रदेशाच्या दंडाधिकाऱ्याला लोकांना एकत्रित जमण्यावर बंदी घालण्याचा आदेश मंजूर करण्याचा अधिकार देतो.
मोफत टेस्ट सोडविण्यासाठी आमचे मोबाईल अँप लगेच डाउनलोड करा
डाउनलोड लिंक : Download Mobile App
आणखी पेपर सोडवा!!!
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
आमचे टेलीग्राम चॅनल जॉईन करा Click Here : MPSC मराठी व्याकरण
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
