चालू घडामोडी : 10 जुन 2021
- पदसंख्या:
- शेवटची तारीख:
Current Affairs
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 10 JUNE 2021 | चालू घडामोडी : १0 जुन २०२१
चालू घडामोडी –
1] कोणत्या दिवशी ‘जागतिक ब्रेन ट्यूमर दिवस’ पाळला जातो?
1) 08 जून
2) 06 जून
3) 07 जून
4) 09 जून
उत्तर :- दरवर्षी 8 जून या दिवशी ‘जागतिक ब्रेन ट्यूमर दिवस’ पाळला जातो. या प्राणघातक रोगाबद्दल जनजागृती करण्यासाठी हा दिवस पाळला जातो.
चालू घडामोडी –
2] कोणते मंत्रालय प्रधानमंत्री गरीब कल्याण अन्न योजनेच्या अंमलबजावणीसाठीची केंद्रीय संस्था आहे?
1) वित्त मंत्रालय
2) गृह मंत्रालय
3) आयुष मंत्रालय
4) पंचायतराज मंत्रालय
उत्तर :- कोविड-19 महामारीच्या पार्श्वभूमीवर अन्नसुरक्षा प्रदान करण्यासाठी प्रधानमंत्री गरीब कल्याण अन्न योजनेच्या अंतर्गत लाभार्थ्यांना मोफत अन्नधान्य पुरवले जात आहे. कोरोनाकाळात आर्थिक अडचणींचा सामना करत असणाऱ्या गरीबांना दिलासा देण्यासाठी केन्द्र सरकारने प्रधानमंत्री गरीब कल्याण अन्न योजना जाहीर केली आहे. या योजनेच्या अंतर्गत NFSA मधील लाभार्थ्यांना मासिक दरमहा 5 किलो मोफत अन्नधान्याचे वाटप केले जात आहे. भारत सरकारचे वित्त मंत्रालय या योजनेच्या अंमलबजावणीसाठीची केंद्रीय संस्था आहे
प्रधानमंत्री गरीब कल्याण अन्न योजनेला (PMGKAY-III) दिवाळीपर्यंत मुदतवाढ देण्याचा निर्णय जाहीर केला. त्यामुळे नोव्हेंबर 2021 पर्यंत दरमहा 80 कोटीपेक्षा अधिक लोकांना नियोजित प्रमाणात मोफत अन्नधान्य मिळत रहाणार आहे.
चालू घडामोडी –
3] ‘INS तरकश’ ही _____ आहे.
1) शिवालिक श्रेणीची युद्धनौका
2) तलवार श्रेणीची युद्धनौका
3) कामोर्ता श्रेणीची युद्धनौका
4) यापैकी नाही
उत्तर :- भारतीय नौदलाची ‘INS तरकश’ ही तलवार श्रेणीची युद्धनौका आहे. युद्धनौकेचे बांधकाम रशियात झाले.
चालू घडामोडी –
4] खालीलपैकी कोणते “NARCL” या संक्षिप्त नावाचे पूर्ण नाव आहे?
1) National Asset Reconstruction Company Ltd
2) Natural Asset Reconstruction Company Ltd
3) Nationwide Asset Reformation Company Ltd
4) यापैकी नाही
उत्तर :- राष्ट्रीय मालमत्ता पुनर्रचना कंपनी (National Asset Reconstruction Company Ltd / NARC) बँकांकडून अनुत्पादित मालमत्ता ताब्यात घेण्यास जबाबदार असेल. ही सार्वजनिक आणि खासगी क्षेत्रातील बँकांची एक भागीदारी आहे. पद्मकुमार एम. नायर हे नवनिर्मित राष्ट्रीय मालमत्ता पुनर्रचना कंपनी (NARCL) याचे नवीन मुख्य कार्यकारी अधिकारी आहेत.
बँकांनी त्यांच्याकडील 89,000 कोटी रुपयांची अनुत्पादित मालमत्ता NARCL कंपनीच्या ताब्यात देण्याचा निर्णय घेतला आहे.
चालू घडामोडी –
5] कोणत्या देशात मरमारा समुद्र आहे?
1) टर्की
2) इटली
3) जर्मनी
4) ग्रीस
उत्तर :- मरमारा समुद्र भौगोलिक रूपाने टर्की देशाच्या यूरोपीय भागाला आशियाई भागापासून विलग करतो. हा समुद्र काळा समुद्राशी बोस्फोरस खाडीच्या माध्यमातून आणि एजियन समुद्राशी डार्डानेल्स पासच्या माध्यमातून जुडलेला आहे.
मरमारा समुद्रामध्ये ‘सी स्नोट’ नामक शेवाळचा सर्वात मोठा उद्रेक झाला आहे. त्यामुळे किनारी भागावर राखाडी किंवा हिरव्या रंगाचा पातळ थर साचलेला आहे, ज्यामुळे समुद्री पर्यावरणातील नुकसान होऊ शकते. बदलत्या हवामानामुळे आणि प्रदूषणामुळे पोषक असे वातावरण निर्माण झाल्यामुळे हा उद्रेक झाला. शेजारच्या काळा व एजियन समुद्रातही गाळ पाहिला गेला आहे.
चालू घडामोडी –
6] कोणत्या देशाने 7 जून व 8 जून 2021 रोजी ‘ASEAN विदेश मंत्र्यांची बैठक’ आयोजित केली?
1) भारत
2) चीन
3) मालदीव
4) म्यानमार
उत्तर :- चीन देशाने 7 जून व 8 जून 2021 रोजी ‘ASEAN विदेश मंत्र्यांची बैठक’ आयोजित केली होती.
आग्नेय आशियाई राष्ट्रे संघ (Association of Southeast Asian Nations -ASEAN) ही आग्नेय आशियामधली एक राजकीय व आर्थिक संघटना आहे. त्याची स्थापना इंडोनेशिया, मलेशिया, फिलिपाईन्स, सिंगापूर व थायलँड या देशांनी 8 ऑगस्ट 1967 रोजी केली. जकार्ता (इंडोनेशिया) शहरात त्याचे मुख्यालय आहे. आज समूहात ब्रुनेई, कंबोडिया, इंडोनेशिया, लाओस, मलेशिया, म्यानमार, फिलिपिन्स, सिंगापूर, थायलँड आणि व्हिएतनाम या 10 देशांचा समावेश आहे.
चालू घडामोडी –
7] खालीलपैकी कोणते संपूर्ण प्रौढ लोकसंख्येला कोविड-19 लस दिली गेली असलेले भारतातील पहिले खेडे ठरले?
1) चादुरा
2) गुरेझ
3) सोनवरी
4) वेयान
उत्तर :- जम्मू व काश्मीर केंद्रशासित प्रदेशामधील बांदीपोरा जिल्ह्यातील वेयान खेडे हे संपूर्ण प्रौढ लोकसंख्येला कोविड-19 लस दिली गेली असलेले भारतातील पहिले खेडे ठरले आहे.
चालू घडामोडी –
8] कोणत्या व्यक्तीची संयुक्त राष्ट्रसंघ महासभा (UNGA) याचे नवीन अध्यक्ष म्हणून निवड झाली?
1) अब्दुल्ला शाहिद
2) ऑगस्टीन सॅन्टोस मॅराव्हर
3) अमरीत बहादुर राय
4) कार्लोस अमोरॉन
उत्तर :- मालदीवचे विदेश मंत्री अब्दुल्ला शाहिद यांची संयुक्त राष्ट्रसंघ महासभा (UNGA) याचे नवीन अध्यक्ष म्हणून निवड झाली आहे.
आंतरराष्ट्रीय सहकार्याला प्रोत्साहन देण्यासाठी संयुक्त राष्ट्रसंघ (UN) या आंतरसरकारी संघटनेची स्थापना दुसर्या महायुद्धानंतर 24 ऑक्टोबर 1945 रोजी करण्यात आली. त्याचे मुख्यालय मॅनहॅटन (न्यूयॉर्क शहर, अमेरिका) येथे आहे. संयुक्त राष्ट्रसंघ महासभा (UNGA) हे संयुक्त राष्ट्रसंघामधील सहा प्रमुख अंगांपैकी एक आहे, ज्यामध्ये सर्व सदस्य राष्ट्रांना समान प्रतिनिधित्व बहाल केले गेले आहे आणि संयुक्त राष्ट्रसंघाचे मुख्य धोरणात्मक, धोरणनिर्धारक आणि प्रतिनिधींचे अंग आहे.
चालू घडामोडी –
9] कोणत्या देशाने 15 जानेवारी 2021 रोजी ‘ट्रीटी ऑन ओपन स्काईज’ या करारामधून माघार घेण्यासंबंधी घोषणा केली होती आणि आता त्याने औपचारीकरीत्या कारारामधून माघार घेतली आहे?
1) अमेरिका
2) भारत
3) रशिया
4) चीन
उत्तर :- रशिया देशाच्या सरकारने 06 मे 2021 रोजी ‘ट्रीटी ऑन ओपन स्काईज’ या करारामधून माघार घेण्यासंबंधीच्या विधेयकाला मंजूरी दिली होती. यापूर्वी 15 जानेवारी 2021 रोजी रशियाने याविषयीची घोषणा केली होती. आता रशियाचे राष्ट्राध्यक्ष व्लादिमीर पुतीन यांनी या विधेयकावर स्वाक्षरी केल्यामुळे या विधेयकाला कायद्याचे स्वरूप प्राप्त झाले.
या संधीच्या माध्यमातून रशिया आणि पश्चिमात्य देशांमधील विश्वास वाढवणे हा या करारामागचा उद्देश होता. करारानुसार, सदस्यांना एकमेकांच्या प्रदेशात विमानांद्वारे नि:शस्त्र पाळत ठेवली जाते आणि शस्त्रास्त्रांच्या विकासावर लक्ष ठेवण्यास परवानगी मिळते. सदस्य राष्ट्र संमतीने दुसऱ्याच्या कोणत्याही भागावर पाळत ठेवू शकते. सोव्हिएत संघाच्या विभाजनानंतर NATO समूहाचे सदस्य आणि माजी वारसाव करारातले देश यांच्यात हा करार झाला आहे. यात 34 सदस्य देश समाविष्ट आहेत.
चालू घडामोडी –
10] संयुक्त राष्ट्रसंघ आर्थिक व सामाजिक परिषद (ECOSOC) याच्या संदर्भात खाली दिलेली विधाने विचारात घ्या:
1. परिषदेकडे संयुक्त राष्ट्रसंघाच्या आर्थिक आणि सामाजिक विषयासंबंधीच्या क्षेत्रात समन्वय साधण्याची जबाबदारी आहे.
2. त्याचे मुख्यालय न्यूयॉर्क (अमेरिका) येथे आहे.
दिलेल्यापैकी कोणते विधान अचूक आहे?
1) फक्त 1
2) फक्त 2
3) 1 आणि 2
4) यापैकी एकही नाही
उत्तर :- दिलेली दोनही विधाने अचूक आहेत.
भारत देश संयुक्त राष्ट्रसंघ आर्थिक व सामाजिक परिषद (ECOSOC) यामध्ये 2022-24 या कालावधीसाठी निवडला गेला आहे. आशिया-पॅसिफिक राज्ये गटात भारताची निवड करण्यात आली असून इतर निवडलेल्या देशांमध्ये अफगाणिस्तान, ओमान आणि कझाकस्तान या देशांचा समावेश आहे.
संयुक्त राष्ट्रसंघ आर्थिक व सामाजिक परिषद (ECOSOC) याची स्थापना वर्ष 1945 मध्ये झाली. त्याचे मुख्यालय न्यूयॉर्क (अमेरिका) येथे आहे.
आजचा Current Affairs (चालू घडामोडी) चा पेपर सोडवण्यासाठी येथे क्लिक करा.
मोफत टेस्ट सोडविण्यासाठी आमचे मोबाईल अँप लगेच डाउनलोड करा
डाउनलोड लिंक : Download Mobile App
आणखी पेपर सोडवा!!!
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
-
आज प्रकाशित झालेल्या नोकरीच्या नवीन जाहिराती पाहण्यासाठी येथे क्लिक करा
-
ताज्या मराठी बातम्या वाचण्यासाठी येथे क्लिक करा
-
ताज्या हिन्दी बातम्या वाचण्यासाठी येथे क्लिक करा
-
फक्त पोलीस भरती उपयुक्त माहिती वाचण्यासाठी येथे क्लिक करा
-
आरोग्या संबंधी लेख वाचण्यासाठी येथे क्लिक करा
Free Current Affairs Test, mpscexams,
आमचे टेलीग्राम चॅनल जॉईन करा Click Here : MPSC मराठी व्याकरण
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
