चालू घडामोडी : २२ मे २०२१
- पदसंख्या:
- शेवटची तारीख:
Current Affairs
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 22 MAY 2021 | चालू घडामोडी : २२ मे २०२१
चालू घडामोडी –
1] ‘INS राजपूत’ याच्या संदर्भात खाली दिलेली विधाने विचारात घ्या:
1. ते एक मार्गदर्शित-क्षेपणास्त्र सोडणारी विनाशिका आणि भारतीय नौदलातील ‘काशीन’ श्रेणीचे प्रमुख जहाज होते.
2. ते जहाज 4 मे 1980 रोजी सेवेत दाखल झाले होते.
दिलेल्यापैकी कोणते विधान अचूक आहे?
1) फक्त 1
2) फक्त 2
3) 1 आणि 2
4) त्यापैकी एकही नाही
उत्तर :- दोनही विधाने अचूक असल्यामुळे पर्याय (C) उत्तर आहे.
भारतीय नौदलाची पहिली विनाशिका ‘INS राजपूत’ 21 मे 2021 रोजी नौदलाच्या सेवेतून निवृत्त झाली. विशाखापट्टणम येथील नौदलाच्या गोदीत एका खास सोहळ्यात या जहाजाला नौदलाकडून निरोप दिला गेला.
रशियात (तत्कालीन सोविएत महासंघ) तयार झालेल्या ‘काशीन’ श्रेणीच्या विनाशक जहाजांपैकी आघाडीवर असणारे INS राजपूत 04 मे 1980 रोजी भारतीय नौदलाच्या सेवेत दाखल झाले होते. ‘राज करेगा राजपूत (राजपूत राज्य करेल)’ या ब्रीदवाक्यासह INS राजपूत जहाजाने अनेक मोहिमांमध्ये भाग घेतला. त्यामध्ये ‘ऑपरेशन अमन’, ‘ऑपरेशन कॅक्टस’, आणि ‘ऑपरेशन क्रोजनेस्ट’ या मोहिमांचा समावेश आहे. भारतीय लष्कराच्या ‘राजपूत रेजिमेंटशी’ हे जहाज संलग्न होते व अशाप्रकारे संलग्न होणारे ते भारतीय नौदलाचे पहिलेच जहाज होते.
चालू घडामोडी –
2] महाराष्ट्रातील पालघर जिल्ह्यातील GI प्रमाणित ‘डहाणू-घोलवड सपोटा’ चिकू ____ याकडे रवाना करण्यात आले.
1) ब्रिटन
2) अमेरिका
3) ऑस्ट्रेलिया
4) बांग्लादेश
उत्तर :- भौगोलिक निर्देशक (GI) म्हणून प्रमाणित असणाऱ्या उत्पादनांच्या निर्यातीस प्रोत्साहन देत, महाराष्ट्रातील पालघर जिल्ह्यातील सुप्रसिद्ध ‘डहाणू-घोलवड सपोटा’ चिकू 20 मे 2021 रोजी इंग्लंड (ब्रिटन) देशाकडे रवाना करण्यात आले.
घोलवड सपोटा चिकूचे GI प्रमाणपत्र महाराष्ट्र राज्य चिकू उत्पादक संघाकडे आहे. पालघर जिल्ह्यात सुमारे 5000 हेक्टर क्षेत्र चिकू लागवडीखाली आहे. चिकू पिकवणाऱ्या 5000 शेतकऱ्यांपैकी 147 शेतकरी अधिकृत जीआय प्रमाणपत्र वापरून पीक घेतात.
चालू घडामोडी –
3] कोणत्या मंत्रालयाने प्रदर्शनी व अधिवेशन केंद्रे या वास्तूंना ‘पायाभूत सुविधा’ हा दर्जा प्रदान केला?
1) वाणिज्य व उद्योग मंत्रालय
2) वित्त मंत्रालय
3) गृहनिर्माण व शहरी कार्य मंत्रालय
4) कृषी व शेतकरी कल्याण मंत्रालय
उत्तर :- भारत सरकारच्या वित्त मंत्रालयाने प्रदर्शनी व अधिवेशन केंद्रे (exhibition and convention centres) या वास्तूंना ‘पायाभूत सुविधा’ हा दर्जा प्रदान केला आहे. या निर्णयामुळे अशा प्रकल्पांच्या बांधकामासाठी बँकेकडून अर्थसहाय्य सुलभ रीतीने उपलब्ध होणार.
या योजनेचा लाभ घेण्यासाठी 1,00,000 चौरस मीटर एवढ्या क्षेत्रफळापर्यंतच्या भूखंडाची किमान अट ठेवण्यात आली आहे, ज्यात प्रदर्शनीची जागा किंवा सभागृहाची जागा किंवा दोन्ही अश्या ठिकानांचा समावेश नसणार.
चालू घडामोडी –
4] कोणत्या अंतराळयानाने सूर्याच्या पृष्ठभागावरील सौर उद्रेकाच्या घटनेची नोंद इतिहासात प्रथमच केली?
1) पार्कर सोलर प्रोब
2) आदित्य-एल 1
3) जुनो
4) सोलर ऑर्बिटर
उत्तर :- सूर्याचा अभ्यास करण्यासाठी युरोपियन स्पेस एजन्सी (ESA) आणि अमेरिकेची NASA या संस्थांनी संयुक्तपणे चालविलेल्या अंतराळ मोहिमेच्या अंतर्गत पाठविलेल्या ‘NASA-ESA सोलर ऑर्बिटर’ अंतराळयानाने सूर्याच्या पृष्ठभागावरील सौर उद्रेकाच्या घटनेची नोंद इतिहासात प्रथमच केली आहे. या घटनेला ‘कोरोनल मास इजेक्शन (CME)’ असे देखील म्हणतात.
चालू घडामोडी –
5] खालीलपैकी कोणता ‘न्यायिक अपात्रता किंवा रेक्युसल (recusal)’ या संज्ञेचा अर्थ आहे?
1) व्यक्ती व व्यवसायांच्या कर्जाच्या समस्येशी संबंधित कायदेशीर प्रक्रिया
2) मृत्यूच्या शिक्षेस पात्र गुन्हा
3) कायदेशीर प्रक्रियेत भाग घेण्यापासून परावृत्त करण्याची कृती
4) पुनर्रचनेच्या योजनेस मान्यता
उत्तर :- ‘न्यायिक अपात्रता किंवा रेक्युसल (recusal)’ या शब्दाचा अर्थ ‘न्यायिक अनर्हता’ असा होतो. ‘न्यायिक अनर्हता’ म्हणजे एखाद्या संभाव्य हिताच्या संघर्षामुळे किंवा निःपक्षपातीपणाच्या कमतरतेमुळे कायदेशीर कर्तव्ये पार पाडण्यासाठी न्यायाधीश, फिर्यादी किंवा न्यायालयीन व्यक्ती यांना अपात्र ठरवून त्यांना त्या प्रकरणाचा निर्णय देण्यापासून रोखणे, होय.
चालू घडामोडी –
6] कोणत्या प्रदेशात ‘ए-76’ हिमखंड आहे?
1) ग्रीनलँड
2) अंटार्क्टिका
3) ऑस्ट्रेलिया
4) यापैकी नाही
उत्तर :- एक भलामोठा हिमखंड अंटार्क्टिकापासून तुटला आहे. त्याला ‘ए-76’ असे नाव देण्यात आले. आता हा जगातील सर्वात मोठा हिमखंड आहे. सुमारे 170 किलोमीटर लांबी आणि 25 किलोमीटर रुंदी असलेला हा हिमखंड आता वेडेल समुद्रावर तरंगत आहे.
चालू घडामोडी –
7] _____ प्रधानमंत्री आरोग्य सुरक्षा योजना (PMSSY) याची अंमलबजावणी करीत आहे.
1) आरोग्य व कुटुंब कल्याण मंत्रालय
2) आयुष मंत्रालय
3) महिला व बाल विकास मंत्रालय
4) सामाजिक न्याय व सशक्तीकरण मंत्रालय
उत्तर :- भारत सरकारचे आरोग्य व कुटुंब कल्याण मंत्रालय प्रधानमंत्री आरोग्य सुरक्षा योजना (PMSSY) याची अंमलबजावणी करीत आहे. योजनेची घोषणा 2003 साली केली गेली होती. प्रादेशिक पातळीवरील तृतीयक दर्जाच्या रुग्णालयातील व्यवस्था सुधारण्यासाठी ही योजना आहे.
प्रधानमंत्री आरोग्य सुरक्षा योजनेच्या अंतर्गत नवीन अखिल भारतीय आयुर्विज्ञान संस्था (AIIMS) स्थापन केल्या जात आहेत. या योजनेच्या अंतर्गत आतापर्यंत 22 नवीन AIIMS संस्थांच्या स्थापनेला मान्यता देण्यात आली असून त्यापैकी सहा भोपाळ, भुवनेश्वर, जोधपूर, पाटणा, रायपूर आणि ऋषिकेश येथे आधीच कार्यरत झाल्या आहेत.
चालू घडामोडी –
8] खालीलपैकी कोणती 2021 साली ‘आंतरराष्ट्रीय संग्रहालय दिवस’ची संकल्पना आहे?
1) हायपरकनेक्टेड म्यूजियम्स: न्यू अॅप्रोचेस, न्यू पब्लिक्स
2) म्यूजियम्स फॉर इक्वलिटी: डायव्हरसिटी अँड इंक्लुजन
3) म्यूजियम्स फॉर ए सस्टेनेबल सोसायटी
4) द फ्यूचर ऑफ म्यूजियम्स: रीकव्हर अँड रिइमेजिंग
उत्तर :- दरवर्षी 18 मे या दिवशी जगभरात आंतरराष्ट्रीय संग्रहालये परिषद (ICOM) या संस्थेच्या पुढाकाराने ‘आंतरराष्ट्रीय संग्रहालय दिवस’ साजरा करतात. 2021 साली ‘आंतरराष्ट्रीय संग्रहालय दिवस’ “द फ्यूचर ऑफ म्यूजियम्स: रीकव्हर अँड रिइमेजिंग” या संकल्पनेखाली पाळला गेला.
चालू घडामोडी –
9] कोणत्या राज्याने ‘म्यूकोरमायकोसिस’ याला साथरोग म्हणून जाहीर केले?
1) राजस्थान
2) गुजरात
3) मध्यप्रदेश
4) बिहार
उत्तर :- म्यूकोरमायकोसिस हा एक प्रकारचा बुरशीजन्य संसर्ग आहे. हे ब्लॅक फंगस म्हणून देखील ओळखले जाते. त्याचा परिणाम नाक, डोळे, मेंदूत दिसून येतो. जेव्हा ब्लॅक फंगस येते तेव्हा लोक त्यांचे दृष्टी गमावतात. गंभीर संक्रमण झाल्यास यामुळे काही रूग्णाच्या जबडा आणि नाकाची हाड वितळते. जर रुग्ण वेळेवर ठीक बरा होत नसेल तर मृत्यू देखील होऊ शकतो.
कोविड-19 आजारामधून बरे झालेल्या रुग्णांमध्ये हा आजार दिसून येत आहे. त्यामुळे बहुतेक रूग्णांची दृष्टी कमी झाली आहे. वाढत्या प्रकरणांच्या पार्श्वभूमीवर, राजस्थान सरकारने ‘म्यूकोरमायकोसिस’ याला साथरोग म्हणून जाहीर केले आहे. त्याविषयी ‘राजस्थान साथरोग कायदा-2020’ अन्वये अधिसूचना जाहीर करण्यात आली.
चालू घडामोडी –
10] कोणत्या मंत्रालयाने दिव्यांग व्यक्तींच्या पुनर्वसनासाठी सहा महिन्यांच्या ‘समुदायाधारित सर्वसमावेशक विकास कार्यक्रम’चा (CBID) प्रारंभ केला?
1) कौशल्य विकास व उद्योजकता मंत्रालय
2) महिला व बाल विकास मंत्रालय
3) सामाजिक न्याय व सशक्तीकरण मंत्रालय
4) कृषी व शेतकरी कल्याण मंत्रालय
उत्तर :- दिव्यांग व्यक्तींच्या पुनर्वसनासाठी सहा महिन्यांच्या ‘समुदायाधारित सर्वसमावेशक विकास कार्यक्रम’चा (CBID) 19 मे 2021 रोजी केंद्रीय सामाजिक न्याय व सशक्तीकरण मंत्री डॉ. थावरचंद गेहलोत यांनी दूरदृश्य प्रणालीच्या माध्यमातून प्रारंभ केला.
भारतीय पुनर्वसन परिषद आणि मेलबर्न विद्यापीठाने संयुक्तपणे हा CBID अभ्यासक्रम तयार केला आहे. त्याद्वारे, दिव्यांगांच्या पुनर्वसन व विकासासाठी प्रशिक्षित असे मनुष्यबळ निर्माण होण्यास मदत होणार असून, त्यामुळे, दिव्यांगांचे सशक्तीकरण होऊन त्यांना समाजात सामावून घेण्याचा मार्ग प्रशस्त होईल. दिव्यांगांच्या अडचणी समजून घेऊन सोडविण्यासाठी आणि समाजात त्यांना सहभागी करून घेण्यासाठी आशा आणि अंगणवाडी कार्यकर्त्यांबरोबर प्रत्यक्ष समुदायात व तळागाळात जाऊन काम करणाऱ्या पुनर्वसन कार्यकर्त्यांचा संच तयार करणे, हा या कार्यक्रमामागील उद्देश आहे. या कार्यकर्त्यांना ज्ञान व कौशल्ये देऊन दिव्यांगांप्रती कर्तव्ये यशस्वीपणे पार पाडण्यासाठी त्यांच्या क्षमता उंचावण्यासाठी या कार्यक्रमाची आखणी करण्यात आली आहे. या कार्यकर्त्यांना ‘दिव्यांगमित्र’ म्हणून संबोधले जाणार आहे.
मोफत टेस्ट सोडविण्यासाठी आमचे मोबाईल अँप लगेच डाउनलोड करा
डाउनलोड लिंक : Download Mobile App
आणखी पेपर सोडवा!!!
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
-
आज प्रकाशित झालेल्या नोकरीच्या नवीन जाहिराती पाहण्यासाठी येथे क्लिक करा
-
ताज्या मराठी बातम्या वाचण्यासाठी येथे क्लिक करा
-
ताज्या हिन्दी बातम्या वाचण्यासाठी येथे क्लिक करा
-
फक्त पोलीस भरती उपयुक्त माहिती वाचण्यासाठी येथे क्लिक करा
-
आरोग्या संबंधी लेख वाचण्यासाठी येथे क्लिक करा
Free Current Affairs Test, mpscexams,
आमचे टेलीग्राम चॅनल जॉईन करा Click Here : MPSC मराठी व्याकरण
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
