चालू घडामोडी : 29 मे २०२१
- पदसंख्या:
- शेवटची तारीख:
Current Affairs
चालू घडामोडी जाणून घेण्यासाठी आमच्या वेबसाईट ला रोज भेट द्या.
Visit Regularly our site to check Current Affairs
Current Affairs : 1 MAY 2021 | चालू घडामोडी : १ मे २०२१
चालू घडामोडी –
1] कोणती व्यक्ती नवीन वाणिज्य सचिव आहे?
1) आदित्य कुमार आनंद
2) शशांक आला
3) संदीप नंदुरी
4) बी.व्ही.आर. सुब्रह्मण्यम
उत्तर :- भारत सरकारने जम्मू व काश्मीरचे मुख्य सचिव बी.व्ही.आर. सुब्रह्मण्यम यांची वाणिज्य सचिव या पदावर नियुक्ती केली. ते अनुप वाधवन यांच्या 30 जून 2021 रोजी संपणाऱ्या कार्यकाळानंतर वाणिज्य मंत्रालयातील वाणिज्य विभागाचे सचिव पद सांभाळणार.
चालू घडामोडी –
2] अलिप्ततावादी चळवळ (Non-Aligned Movement -NAM) हा _____ विकसनशील देशांचा एक जागतिक मंच आहे.
1) 120
2) 15
3) 80
4) 65
उत्तर :- अलिप्ततावादी चळवळ (Non-Aligned Movement -NAM) राष्ट्रांच्या आरोग्य मंत्र्यांची बैठक 27 मे 2021 रोजी अझरबैजान प्रजासत्ताक या देशाच्या अध्यक्षतेखाली झाली.
सन 1961 मध्ये बेलग्रेड परिषदेत अलिप्ततावादी चळवळ (NAM) अस्तित्वात आली. ही चळवळ भारताचे माजी पंतप्रधान जवाहरलाल नेहरू, इजिप्तचे माजी राष्ट्राध्यक्ष अब्दल नासर आणि युगोस्लाव्हियाचे राष्ट्राध्यक्ष जोसेफ ब्रॉज टिटो यांनी स्थापन केली होती. NAM ही अशी राष्ट्रांची एक आंतरराष्ट्रीय संस्था आहे, जी जगाच्या कोणत्याही अधिकारीत समुहासोबत किंवा त्याच्या विरोधात उभी राहणार नाही आणि निष्पक्षरित्या आपले कार्य करणार या निश्चयाने तयार केली गेली. याची व्याख्या हवाना घोषणापत्र-1979 मधून स्पष्ट केली गेली. NAM मध्ये 120 देशांचा समावेश आहे. NAM ला 17 देश आणि 10 आंतरराष्ट्रीय संस्थांच्या निरीक्षकांचा दर्जा आहे.
चालू घडामोडी –
3] कोणत्या व्यक्तीला ‘आंतरराष्ट्रीय एनी पुरस्कार 2020’ प्राप्त झाला?
1) अजय के. सूद
2) सी.एन.आर. राव
3) श्रीराम रामस्वामी
4) कृष्णस्वामी कस्तुरीरंगण
उत्तर :- प्राध्यापक सी.एन.आर. राव यांना ‘आंतरराष्ट्रीय एनी पुरस्कार 2020’ दिले जाणार असल्याचे जाहीर करण्यात आले आहे. या पुरस्काराला “एनर्जि फ्रंटियर पुरस्कार’ देखील म्हणतात आणि तो ऊर्जा संशोधनाच्या क्षेत्रातील नोबेल पुरस्कार मानला जातो. अक्षय ऊर्जा स्त्रोत आणि ऊर्जा साठवणुकीच्या क्षेत्रात केलेल्या संशोधनासाठी राव यांना हा पुरस्कार दिला गेला. 14 ऑक्टोबर 2021 रोजी रोम येथे एका कार्यक्रमात पुरस्काराचे वितरण केले जाईल.
चालू घडामोडी –
4] “रीक्लिनिंग बुद्धा” हे शीर्षक मिळालेला पुतळा कशासंबंधी बोध देतो?
1) बुद्ध त्यांच्या शेवटच्या आजाराच्या वेळी, परिनिर्वाण अवस्थेत प्रवेश करणार होते
2) ज्ञान प्राप्तीनंतर बुद्धची धर्मचक्र मुद्रा
3) बुद्ध यांना जाण झाली तो क्षण
4) वाईट गोष्टींपासून दूर राहण्याचे संकेत देतो
उत्तर :- बुद्ध जयंतीनिमित्त 26 मे 2021 रोजी बोधगया येथील बुद्ध इंटरनॅशनल वेलफेयर मिशन मंदिरात ‘रीक्लिनिंग बुद्ध’ची भारतातील सर्वात मोठी मूर्ती प्रस्थापित करण्यात आली. “रीक्लिनिंग बुद्धा” हे शीर्षक मिळालेला पुतळा बुद्ध त्यांच्या शेवटच्या आजाराच्या वेळी, परिनिर्वाण अवस्थेत प्रवेश करणार होते त्या क्षणाचा बोध देतो.
चालू घडामोडी –
5] कोण 228 वर्षांच्या इतिहासात लौव्हरे संग्रहालयाच्या अध्यक्ष पदावर निवड झालेली पहिली महिला आहे?
1) सेसील डेब्रे
2) सिल्व्हि पॅट्री
3) लॉरेन्स डेस कार्स
4) सोफी मकरिओ
उत्तर :- 228 वर्षांच्या इतिहासात, लॉरेन्स डेस कार्स ही लौव्हरे संग्रहालयाच्या अध्यक्ष पदावर निवड झालेली पहिली महिला ठरली आहे.
लौव्हरे संग्रहालय हे पॅरिस (फ्रान्स) येथे असलेले जगातील सर्वात मोठे कला संग्रहालय आहे. तिथे लिओनार्डो दा विंची यांनी चित्रित केलेले पसिद्ध ‘मोना लिसा’चे चित्र ठेवलेले आहे.
चालू घडामोडी –
6] कोणत्या संस्थेने “ग्लोबल अॅन्युअल टु डिकेडल 10-इयर क्लायमेट अपडेट” अहवाल तयार केला?
1) बीबीसी वेदर
2) अॅक्यूवेदर
3) मेट ऑफिस
4) यापैकी नाही
उत्तर :- ब्रिटनच्या मेट ऑफिस या संस्थेने तयार केलेल्या आणि जागतिक हवामानशास्त्र संघटनेने प्रकाशित केलेल्या “ग्लोबल अॅन्युअल टु डिकेडल 10-इयर क्लायमेट अपडेट” अहवालानुसार, पुढील पाच वर्षांपैकी किमान एका वर्षाचे जागतिक सरासरी तापमान औद्योगिक-पूर्व काळाच्या तुलनेत 1.5 अंश सेल्सिअसने जास्त असेल.
चालू घडामोडी –
7] कोणता श्रीलंकेला महत्त्वपूर्ण आर्थिक सहाय्य देवू करणारा पहिला दक्षिण आशियाई देश ठरला?
1) भारत
2) मालदीव
3) नेपाळ
4) बांगलादेश
उत्तर :- बांगलादेशाने श्रीलंकेसाठी 200 दशलक्ष डॉलर एवढ्या रकमेची करन्सी स्वॅप सुविधा मान्य केली असून तो श्रीलंकेला महत्त्वपूर्ण आर्थिक सहाय्य देवू करणारा पहिला दक्षिण आशियाई देश ठरला आहे.
चालू घडामोडी –
8] कोणत्या व्यक्तीची धर्मशाला येथे मुख्यालय असलेल्या तिबेट सरकारच्या केंद्रीय तिबेट प्रशासनाचे अध्यक्ष या पदावर निवड झाली?
1) लोबसंग सांगे
2) पेन्पा त्सेरिंग
3) ल्यूकर जाम
4) ताशी वांगदू
उत्तर :- पेन्पा त्सेरिंग हे धर्मशाला येथे मुख्यालय असलेल्या तिबेट सरकारच्या केंद्रीय तिबेट प्रशासनाचे नवीन अध्यक्ष आहेत.
चालू घडामोडी –
9] _____ यांच्यासाठी ‘सर्विसेस ई-हेल्थ असिस्टंस अँड टेलीकन्सल्टेशन (सेहत / SeHAT)’ OPD नामक एका संकेतस्थळाची स्थापना करण्यात आली आहे.
1) लष्करातील कर्मचारी
2) सेवानिवृत्त सैनिक
3) लष्करातील कर्मचारी व सेवानिवृत्त सैनिक यांचे कुटुंब
4) वरील सर्व
उत्तर :- संरक्षण मंत्री राजनाथ सिंग यांनी 27 मे 2021 रोजी ‘सर्विसेस ई-हेल्थ असिस्टंस अँड टेलीकन्सल्टेशन (सेहत / SeHAT)’ OPD नामक एका संकेतस्थळ अर्थात डिजिटल मंचाचे उद्घाटन केले. लष्करातील कर्मचारी, सेवानिवृत्त सैनिक आणि त्यांच्या कुटुंबियांना टेलिमेडिसिन सेवा पुरविण्यासाठी हे संकेतस्थळ (https://sehat.in/) विकसित करण्यात आले आहे. संकेतस्थळावर नोंदणी करून सेवांचा लाभ घेता येईल.
चालू घडामोडी –
10] कोणत्या अंतराळ संस्थेने “फाल्कन 9” अग्निबाणाचा वापर करून 60 स्टारलिंक ब्रॉडबँड उपग्रहांना अंतराळात प्रक्षेपित केले?
1) NASA
2) ISRO
3) स्पेसएक्स
4) CNES
उत्तर :- अमेरिकेचे एलोन मस्क यांची ‘स्पेसएक्स’ ही अमेरिकेच्या खासगी अंतराळ संस्था ‘स्टारलिंक इंटरनेट सर्व्हिस’ या नावाने स्वतःची इंटरनेट सेवा सुरू करण्यासाठी खासगी उपग्रहांचे जाळे तयार करीत आहे. त्याचाच एक भाग म्हणून 27 मे 2021 रोजी “फाल्कन 9” अग्निबाणाचा वापर करून 60 स्टारलिंक ब्रॉडबँड उपग्रहांना अंतराळात प्रक्षेपित केले गेले आहेत. जवळपास 12,000 उपग्रहांचे ‘स्पेसएक्स ब्रॉडबँड इंटरनेट मेगा कॉन्स्टिलेशन’ हे जाळे स्वस्त ब्रॉडबँड इंटरनेट सेवा उपलब्ध करून देणार. हे उपग्रह पृथ्वीच्या खालच्या कक्षेत पाठवले जात आहेत.
मोफत टेस्ट सोडविण्यासाठी आमचे मोबाईल अँप लगेच डाउनलोड करा
डाउनलोड लिंक : Download Mobile App
आणखी पेपर सोडवा!!!
✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !
-
आज प्रकाशित झालेल्या नोकरीच्या नवीन जाहिराती पाहण्यासाठी येथे क्लिक करा
-
ताज्या मराठी बातम्या वाचण्यासाठी येथे क्लिक करा
-
ताज्या हिन्दी बातम्या वाचण्यासाठी येथे क्लिक करा
-
फक्त पोलीस भरती उपयुक्त माहिती वाचण्यासाठी येथे क्लिक करा
-
आरोग्या संबंधी लेख वाचण्यासाठी येथे क्लिक करा
Free Current Affairs Test, mpscexams,
आमचे टेलीग्राम चॅनल जॉईन करा Click Here : MPSC मराठी व्याकरण
ताज्या चालू घडामोडी जाणून घेण्यासाठी आमचे WhatsApp चॅनल जॉईन करा. Join Us on WhatsApp
अपडेट राहण्यासाठी लाईक करा आमचे फेसबुक पेज Join Us on Facebook
आमची पोस्ट आवडल्यास कॉमेंट करून सांगा.
Table of Contents
